آن لائن پیٚریوڈانٹل نَقشہٕ/چاٹ کِتھ پٲٹھۍ چُھ اِستعمال کَرُن

آن لائن نَقشہٕ/چاٹ بَناونہٕ خٲطرٕ ہٮ۪کو برٛونٛہہ کُن پرٕٛژنہٕ آمٕژ زان کٲری دَرٕج کٔرِتھ: دنٛد ہِلُن، فٔرکیشن انوالوٚمٮ۪نٹ، مازبیر دٔندٕر(مارجِن)(ملی میٖٹَر)، پرٛوبِنٛگ ڈیٚپتھ(ملی میٖٹَر) بیٚیِہ تَبصُرٕ/نوٹ۔ییٚمہِ ساتہٕ وۄزٕج رِکھ (مازبیر دٔندٕر(مارجِن)) تہٕ نیٖجَ رِکھ (اٹیچمٮ۪نٹ لیوٕل/پیٚریو ڈانٹل پاکٮ۪ٹُک ژوٚک) واضِح کَرنہٕ ییٚیِہ نیوٗل نِشانہٕ یُس پیٚریوڈانٹل پاکٮ۪ٹٕچ نُمٲینٛدگی کران چُھ سُہ بنِ پانَے۔

فٔرکیشن ہِنٛز ڈگری چِھ اَکہ دٲیرٕ نِشانہٕ سٕتۍ ہاونٕ یِوان۔ اَکھ یَلہٕ دٲیرٕ(درجہٕ (ڈگری) ١)، اَکھ نٮ۪صف دٲیرٕ (درجہٕ (ڈگری) ٢)، اَکھ بٔرِتھ دٲیرٕ (درجہٕ (ڈگری) ٣)۔

---

آن لائن پیٚریوڈانٹل نَقشہٕ/چاٹ کِتھ پٲٹھۍ ہٮ۪کو محفوٗظ کٔرِتھ

آن لائن پیٚریوڈانٹل نَقشہٕ/چاٹ ہٮ۪کونہٕ ٹیٚکسٹ دَستاویز پٲٹھۍ ہارڈ ڈرٛایوِ پٮ۪ٹھ محفوٗظ کٔرِتھ۔۔اَمِہ علاوٕ یِہ وٮ۪ب سیٹ چھَنہٕ فارَمس منٛز لیٚچھۍ مٕژ کانٛہہ تِہ زان کٲری یا معلوٗمات محفوٗظ کَران

اَکھ گُنٛجٲیِش چھِ توتہِ کہِ وٮ۪ب سَیِٹ ہٮ۪کو ایٚپٕل میکِنٹوش تہِ وِنٛڈوز پی سی منٛز (پی ڈی ایف فَیِل) محفوٗظ کٔرِتھ۔۔ پرِٛنٛٹ(چَھپاوُن) کمانڈ سٕتۍ کھُلہٕ پرِٛنٛٹ ڈیلاگ یَتھ منٛز اڈوب پی ڈی ایٚف یا فرِٛی پی ڈی ایٚف چُھ چُنُن۔ او کے کِلک کرنہٕ سٕتۍ ہٮ۪کہ کٲم کَرن وول فَیِلٕ ہُنٛد ناو بیٚیِہ جاے (ییٚتِٮ۪تھ سۄ محفوٗظ روزٕ) چُنِتھ.

پرِٛنٛٹِنگ فِہرسَت منٛز چُنِو محفوٗظ( سیو ایز پی ڈی ایف)۔

ڈاوٚنٛلوڈ

یِہ نَقشہٕ/چاٹ چُھ آفلاين تہٕ دٔستِیاب۔یِہ ہٮ۪کون اَتھہٕ سٕتۍ پانَے پوٗرٕ کٔرِتھ پَتہٕ محفوٗظ کٔرِتھ۔۔ اگرنہٕ کُنِہ وَجہ سٕتۍ رِپوٹ الٮ۪کٹرٛانِکٔلی محفوٗظ کَرِن آسہٕ مُمکِن۔

ڈاوٚنٛلوڈ: کلینکل پیٚریوڈانٹل نَقشہٕ/چاٹ سِکور پَرچہٕ

EN_Periodontal_Chart_Scoring_Sheet.pdf

EN_Periodontal_Chart_Scoring_Sheet.xlsx

کلینکل پیٚریوڈانٹل نَقشہٕ/چاٹ صٔحیح کَرُن(کیلِبرٛیشن)

کلینکل پیٚریوڈانٹل نَقشہٕ/چاٹ بَناونُک مقصد چُھ ماز بیر کم گَژِھن، پرٛوبِنٛگ ڈیٚپتھ بیٚیِہ اٹیچمٮ۪نٹ لیوٕل فى دنٛدس يا اِمپٕلانٛٹس شیٚن طَرفن ملی میٖٹَرن منٛز درٕج کَرُن۔سٲری ناپ یِم پیٚریوڈانٹل پرٛوب سٕتۍ تُلنٕ آیِہ تِمن راؤنڈ اَپ کَرُن چھُ موقوٗل۔

١۔ مازبیر دٔندٕر(مارجِن)، پرٛوبِنٛگ ڈیٚپتھ بیٚیِہ اٹیچمٮ۪نٹ لیوٕل

پرٛٮ۪تھ جایِہ چھ گۄڈٕ "مازبیر دٔندٕر(مارجِن)" مینٕن پَتہٕ "پیٚریوڈانٹل پرٛوبِنٛگ ڈیٚپتھ"۔"اٹیچمٮ۪نٹ لیوٕل" یِیٚیِہ آن لائن پیٚریوڈانٹل ٹوٗل سٕتۍ پانَے گٔنٛزٕرَاونہٕ بیٚیِہ ڈیگرامہِ پٮ۪ٹھ نیٖجَ رِکھہٕ سٕتۍ ہاونہٕ۔

"مازبیر دٔندٕر(مارجِن)"چِھ کلینکل مازبیر دٔندٕر(مارجِن) پٮ۪ٹھہٕ کُنِہ تِہ دِنہٕ آمژٕ حوالہٕ جایِہ/نِشانس تام عٔموٗمَن چُھ زیادٕ سیٖمٮ۪نٹو انیٚمل جنٛکشنس(سی اِی جے) تام یِوان میننہٕ۔کرٛونک اَنٛد تِہ ریٚسٹوریشن ہُنٛد اَنٛد چِھ حوالہٕ نِن اگر تِم کم از کم ٣ملی میٖٹَر سیٖمٮ۪نٹو انیٚمل جنٛکشَن بۄنہٕ چِھ نَتٕہ چُھ کانٛہہ حوالہٕ سیٖمٮ۪نٹو انیٚمل جنٛکشَنس نِش قَیاس کَرُن۔

:پرٛٮ۪تھ طَرفٕچ "اٹیچمٮ۪نٹ لیوٕل" یِی دِنہٕ آمٕژ فارمُلا سٕتۍ میننہٕ

پرٛوبِنٛگ ڈیٚپتھ - مازبیر دٔندٕر(مارجِن)=اٹیچمٮ۪نٹ لیوٕل

صحت منٛد پیٚریوڈانشِیَم

صحت منٛد پیٚریوڈانشِیَمس منٛز چُھ سیٖمٮ۪نٹو انیٚمل جنٛکشَن مازبیر دٔندٕرِ(مارجِن) بۄنہٕ آسان تِہ اٹیچمٮ۪نٹ لیوٕلِ پٮ۪ٹھہٕ آسان۔صحت منٛد پیٚریوڈانشِیَمس منٛز چُھنہٕ کُنِہ طرفَس تِہ اٹیچمٮ۪نٹ لاس یِوان لَبنہٕ۔

اتھ حالتِ منٛز چِھ مازبیر دٔندٕر(مارجِن)(١) تِہ پرٛوبِنٛگ ڈیٚپتھ(٢) ہِوی آسان۔

پیٚٹھمِہ شَکلِ منٛز یِی"اٹیچمٮ۪نٹ لیوٕل" دِنہٕ آمٕژ فارمُلا سٕتۍ میننہٕ:

اٹیچمٮ۪نٹ لیوٕل٠ملی میٖٹَر =پرٛوبِنٛگ ڈیٚپتھ ٢ملی میٖٹَر -مازبیر دٔندٕر(مارجِن) ٢ملی میٖٹَر

صحت منٛد پیٚری اِمپٕلانٛٹ ٹِشوٗ

صحت منٛد پیٚری اِمپٕلانٛٹ جایِہ چُھ سپرا اسٹرکچرک اَنٛد پیٚری اِمپٕلانٛٹ ٹِشوٗ کِہ اَنٛدٕ بۄن آسان۔ صحت منٛد پیٚری اِمپٕلانٛٹ ٹِشوٗس منٛز چُھنہٕ یِوان بون لاس لَبنہٕ۔

:پیٚٹھمِہ شَکلِ منٛز یِی "ایٚلوِیولربون(اٹیچمٮ۪نٹ)لیوٕل" دِنہٕ آمٕژ فارمُلا سٕتۍ میننہٕ

ایٚلوِیولربون(اٹیچمٮ۪نٹ)لیوٕل ٢ملی میٖٹَر =پرٛوبِنٛگ ڈیٚپتھ ٣ملی میٖٹَر - ٹِشوٗ (مٮ۪وکوزل) اَنٛد ١ملی میٖٹَر

ماز بیر زیادٕ بَڑُن(اَوَرگروتھ)

کینٛژن حالاتن منٛز چُھ سیٖمٮ۪نٹو انیٚمل جنٛکشَن مازبیر دٔندٕرِ(مارجِن) نِش واریاہ بۄن مگر اٹیچمٮ۪نٹ لیوٕلِ نَزدیٖک پٮ۪ٹھ کُن آسان۔یِہ چُھ ماز بیر زیادٕبَڑنٕچَن(اَوَرگروتھ) حالَاتن منٛز لَبنہٕ یِوان۔

اتھ حالتِ منٛز تِہ چِھ مازبیر دٔندٕر(مارجِن)(١) تِہ پرٛوبِنٛگ ڈیٚپتھ(٢) ہِوی آسان۔

:پیٚٹھمِہ شَکلِ منٛز یِی"اٹیچمٮ۪نٹ لیوٕل" دِنہٕ آمٕژ فارمُلا سٕتۍ میننہٕ

اٹیچمٮ۪نٹ لیوٕل٠ملی میٖٹَر =پرٛوبِنٛگ ڈیٚپتھ ٥ملی میٖٹَر -مازبیر دٔندٕر(مارجِن) ٥ملی میٖٹَر

تَبصُرٕ/نوٹ:سِیٚوڈوٚ پاکٮ۪ٹ چِھ آسان اٹیچمٮ۪نٹ لاس روٚستُے ٤ملی میٖٹَر یا زیادٕ سرٛیٚن۔

صحت منٛد پیٚری اِمپٕلانٛٹ ٹِشوٗ ایٚستھٕٹِک زون نِش۔

صحت منٛد پیٚری اِمپٕلانٛٹ ایٚستھٕٹِک زون نِش چُھ سُپرا اسٹرکچرُک اَنٛد پیٚری اِمپٕلانٛٹ ٹِشوٗ کِہ اَنٛدٕ زیادٕ بۄن آسان۔صحت منٛد پیٚری اِمپٕلانٛٹ ایٚستھٕٹِک زون منٛز چُھنہٕ یِوان بون لاس لَبنہٕ۔

:پیٚٹھمِہ شَکلِ منٛز یِی "ایٚلوِیولربون(اٹیچمٮ۪نٹ)لیوٕل" دِنہٕ آمٕژ فارمُلا سٕتۍ میننہٕ

ایٚلوِیولربون(اٹیچمٮ۪نٹ)لیوٕل ٢ملی میٖٹَر =پرٛوبِنٛگ ڈیٚپتھ ٥ملی میٖٹَر - ٹِشوٗ (مٮ۪وکوزل) اَنٛد ٣ملی میٖٹَر۔

پیٚریوڈانٹل پاکٮ۪ٹ

پیٚری اِمپٕلانٛٹایٹِس جاین نِشہ چُھ سُپرا اسٹرکچرُک اَنٛد پیٚری اِمپٕلانٛٹ ٹِشوٗ کِہ اَنٛدٕ کھۄتہٕ بۄن پہم آسان یا پٮ۪ٹھ کَنہِ آسان۔پیٚری اِمپٕلانٛٹ پرٛوبِنٛگ ڈیٚپتھ(۲) چھِ ٹِشوٗ (مٮ۪وکوزل) اَنٛدٕ پٮ۪ٹھ پیٚری اِمپٕلانٛٹ پاکٮ۪ٹ کِس ژٔکِس تام یِوان میننہٕ۔

:پیٚٹھمِہ شَکلِ منٛز یِی اٹیچمٮ۪نٹ لیوٕل دِنہٕ آمٕژ فارمُلا سٕتۍ میننہٕ

اٹیچمٮ۪نٹ لیوٕل ٥ملی میٖٹَر =پرٛوبِنٛگ ڈیٚپتھ ٧ملی میٖٹَر - مازبیر دٔندٕر(مارجِن) ٢ملی میٖٹَر

تَبصُرٕ/نوٹ: علاج (پیٚریوڈانٹل تھٔرپی) پَتہٕ ا گر پیٚریوڈانٹل پاکٮ۪ٹ ٤ملی میٖٹَر کھۄتہٕ زیادٕ آسن تِمن چِھ ونان رسِڈیول پاکٮ۪ٹ۔

پیٚری اِمپٕلانٛٹ پاکٮ۪ٹٕ

پیٚری اِمپٕلانٛٹایٹِس جاین نِشہ چُھ پیٚٹِھمِہ ڈانٛچُک اَنٛد پیٚری اِمپٕلانٛٹ ٹِشوٗ کِہ اَنٛدٕ کھۄتہٕ بۄن پہم آسان یا پٮ۪ٹھ کَنہِ آسان۔پیٚری اِمپٕلانٛٹ پرٛوبِنٛگ ڈیٚپتھ(۲) چھِ ٹِشوٗ (مٮ۪وکوزل) اَنٛدٕ پٮ۪ٹھ پیٚری اِمپٕلانٛٹ پاکٮ۪ٹ کِس ژٔکِس تام یِوان میننہٕ۔

:پیٚٹھمِہ شَکلِ منٛز یِی "ایٚلوِیولربون(اٹیچمٮ۪نٹ)لیوٕل" دِنہٕ آمٕژ فارمُلا سٕتۍ میننہٕ

ایٚلوِیولربون(اٹیچمٮ۪نٹ)لیوٕل ٦ملی میٖٹَر =پرٛوبِنٛگ ڈیٚپتھ ٢ملی میٖٹَر - ٹِشوٗ (مٮ۪وکوزل) اَنٛد ٤ملی میٖٹَر۔

ماز بیرِ ہِنٛز خَرٲبی(رِسٔشن))

ماز بیرِ ہِنٛز خَرٲبی(رِسٔشن) منٛز چھِ مازبیر دٔندٕر(مارجِن) سیٖمٮ۪نٹو انیٚمٕل جنٛکشَن کھۄتہٕ بۄن آسان۔ مازبیر دٔندٕر(مارجِن)(١) درٕج کَرنہٕ وِز چِھ مَنفی نِشٲنی اِستعمال گَژھان۔

:پیٚٹھمِہ شَکلِ منٛز یِی اٹیچمٮ۪نٹ لیوٕل دِنہٕ آمٕژ فارمُلا سٕتۍ میننہٕ

اٹیچمٮ۪نٹ لیوٕل ٦ملی میٖٹَر =پرٛوبِنٛگ ڈیٚپتھ ٧ملی میٖٹَر - مازبیر دٔندٕر(مارجِن) ١ملی میٖٹَر۔

پیٚری اِمپٕلانٛٹ خَرٲبی(رِسٔشن)

پیٚری اِمپٕلانٛٹ خَرٲبی(رِسٔشن) منٛز چھِ مازبیر دٔندٕر(مارجِن) سُپرا اسٹرکچرکہِ اَنٛدٕ کھۄتہٕ بۄن آسان۔ مازبیر دٔندٕر(مارجِن)(١) درٕج کَرنہٕ وِز چِھ مَنفی نِشٲنی اِستعمال گَژھان۔

:پیٚٹھمِہ شَکلِ منٛز یِی "ایٚلوِیولربون(اٹیچمٮ۪نٹ)لیوٕل" دِنہٕ آمٕژ فارمُلا سٕتۍ میننہٕ

ایٚلوِیولربون(اٹیچمٮ۪نٹ)لیوٕل ٤ملی میٖٹَر =پرٛوبِنٛگ ڈیٚپتھ ٢ملی میٖٹَر - ٹِشوٗ (مٮ۪وکوزل) اَنٛد ٢ملی میٖٹَر۔

فى دنٛدس یا اِمپٕلانٛٹس شیٚن طرَفن

پیٚریوڈانٹل پاکٮ۪ٹ تِہ اٹیچمٮ۪نٹ لیوٕل طرَفن ہُنٛد اِنتِخاب کَرن چھُ سٮ۪ٹھاہ نوزُک۔ پیٚٹِھٕکِن (اوٚکلیٚوجلی) معٲینہٕ کَرنہٕ دوران چھُ ہَر اَکھ دنٛد یا اِمپٕلانٛٹ شیٚن حِصَن منٛز تقسیم کَرُن ۔ہَرکُنِہ حِصہٕ منٛز چھُ سارنی کھۄتہٕ سرٛوٚن پیٚریوڈانٹل یا پیٚری اِمپٕلانٛٹ پرٛوبِنٛگ ڈیٚپتھ وول طرف چُنُن۔

پیٚریوڈانٹل پرٛوبُک زٲوِیِہ(ایٚنگُولیشن)

پیٚریوڈانٹل پرٛوبِنٛگ ڈیٚپتھ میننہٕ خٲطرٕ چھُ پیٚریوڈانٹل پرٛوب موٗلہٕ سَطحس سٕتۍ کھٕرِ ترٛاوُن۔ اَوزار/پرٛوب چھُ میٖزیو-ڈِسٹل طَرفہٕ تھاوُن۔ییٚلہِ زَن اَوزار/پرٛوب چھُ مَرکٔزی رِکھِ(ایٚکسِیز) مُتوٲزی تھاوُن۔(بَکل لِنٛگول طَرفہٕ کِن تھاونس چھُ احتِیاط کَرُن)

٢. شٔدیٖد فٔرکیشن انوالوٚمٮ۪نٹ

:سارنی اَرمن ہِنٛز فٔرکیشن بیٚیِہ پیٚٹِھمِہ وَٹچہٕ اَرمن برٛونٛہہ اَکھ دَنٛد ترٛاوِتھ یُس دَنٛد چھُ تَمچہِ فٔرکیشن ہُنٛد جٲیزٕ پَزِ فٔرکیشن پرٛوب سٕتۍ کَرن۔ پرٛوبِنٛگ (ہارِزانٛٹل) ہِنٛز چھِ دَرجہٕ بٔنٛدی دِژمٕژ بُنِیاد مُطٲبِق (Hamp et al., 1975)

درجہٕ (گریڈ) ٠=فٔرکیشن چھَنہِ پرٛزٕ ناونہٕ یِوان

درجہٕ (گریڈ) ١=فٔرکیشن چھَ پرٛزٕ ناونہٕ یِوان، پرٛوبِنٛگ (ہارِزانٛٹل)≤٣ملی میٖٹَر

درجہٕ (گریڈ) ٢=فٔرکیشن چھَ پرٛزٕ ناونہٕ یِوان،پرٛوبِنٛگ (ہارِزانٛٹل) >٣ ملی میٖٹَر

درجہٕ (گریڈ) ٣=فٔرکیشن چھَ پرٛزٕ ناونہٕ یِوان،پرٛوبِنٛگ (ہارِزانٛٹل) کھُلہٕ اَپارِ یَپور

٣. دنٛد ہِلُن

دنٛد ہِلنُک جٲیزٕ پَزِ دۄیو اَوزارو سٕتۍ کَرنہٕ یُن یِمن کُنُےٕ اَنٛد آسِ۔ (Miller, 1950)

درجہٕ (گریڈ) ٠= عام ہِلُن

درجہٕ (گریڈ) ١=اگر دنٛد١ ملی میٖٹَر تام ہِلہِ (ہارِزانٛٹلی)

درجہٕ (گریڈ) ٢= اگر دنٛد١ ملی میٖٹَر زیادٕ ہِلہِ (ہارِزانٛٹلی)

درجہٕ (گریڈ) ٣=اگر دنٛد ہِلہِ (ؤرٹِکلی)

Literature

Miller S. C., Textbook of Periodontia, 3rd edition, The Blakiston Co., Philadelphia and Toronto,1950.

Hamp S. E., Nyman S., Lindhe J., Periodontal treatment of multirooted teeth. Results after 5 years. J. Clin. Periodontol. 1975;2:126–135. doi: 10.1111/j.1600-051X.1975.tb01734.x.